一晚奉獻禮+4晚佈道會，其中2晚在citysuper foodcourt食，其外2晚更是咬三文治/麥記包渡過；最後一晚結束時間較早，終於可以舒服地吃頓晚餐了!收到傳單，想一想都好久沒吃過韓菜了，一行三人便來到黃金廣場上的味家。
　
同場有不少人在吃韓燒，然而抽風系統有效令人不覺油煙味，環境方面是幾企理舒適。我們沒有吃韓燒套餐，而選擇散叫餐牌食物：
　
前菜-有八碟那麼多，細佬嘩了一聲出來；我也心想：兩個人來也給這麼多嗎?味道方面，對韓式前菜沒特別見地，但覺泡菜那味還算不錯。
　
韓式沙律-新鮮的生菜片加上酸酸辣辣的醬汁，做法簡單，卻是十分的惹味又開胃，是我最喜歡的一味!
　
泡菜豬肉薄餅-吃來有點似酒樓的中式煎餅，不過加上泡菜更有咬口，配上特調醬汁是幾惹味，只是有點咸。份量比想像中要大，幸好有細佬在，不然都吃不完~
　
雜錦石頭窩飯-很有水準的一窩飯，飯粒軟硬程度剛好，味道濃淡適中，配料中加入魔芋口感更特別。可能也與侍應在適當時間攪拌、分飯有關!
　
辣牛肉蔬菜拌麵-其實是涼拌米線，滑滑的米線加上辣辣的醬汁其實很開胃，當中加入雪梨絲、青瓜絲、蘿蔔絲更添滋味，只是我已經太飽。
　
最後店方還會送上水果及紅棗茶，是個很好的ending。全店最古怪是侍應，一來就磯哩咕嚕的說韓文，搞到我們幾個韓文白痴呆了好一會才懂反應。
　
整體而來都是幾滿意滿足的一頓飯，龍埋了單，謝謝!

食9點後既自助火鍋我首選依間分店,
其實間間分店既食物水平都好高,但依度service一定好過cwb幾條街,而且等既時間(講緊係好多好多人排晒出去,都唔會夠cwb一半)就算爆晒都係等45mins.我去過cwb3次,次次要等,我去依度係格攝d,但黎過20次,只有3次要等,而且係遲左好多先會要等.
門口姐姐笑容極nice.大棚人係出面狂問野佢都面不改容.好野.俾我黑晒面都似.
講番食物.
自助方式而言,新星好在會執埋一大堆係點既野排好晒入大碟度俾你.減少好多浪費食物既機會.
論牛肉, 比好多好多出面既火鍋店都好.(年30晚食魚一丁既牛肉火鍋,200蚊一個既牛肉都唔夠新星依度自助牛好食), 依度真係有雪花同有肉味, 推介.
另外,
蠔, 鱔片, 魚雲同魚皮鮫都十分高質素,鱔片好肥而且爽口,但依幾個月開始成日點左都冇黎. 可能缺貨.
魚皮鮫好足料,唔係cheap野.
另外大力推介既係依度既蝦,好肥好彈牙又勁新鮮,只須搣3下就可將殼整走,好好味.
任飲係一罐罐既汽水,唔駛煩又清潔,比起幸福樓果d一支支有時要拎人地飲淨果d真係高佢幾條街.
麗都果d同創興果d自助火鍋更加唔須要提. 暫時黎講新星係我食過最好既自助火鍋店,(但如果逐碟計當然又唔同,出而又會多番好多高質選擇,但依度就算一碟碟計都係水準之作)
論service,長沙灣店個個staff都好nice.一流呀.

雅苑;
哩間野都係朗屏開左好多間啦;
有小食;有餐廳;
佢地既小食我就最中意佢地既茄汁腸;
腸上面有好多既茄汁;
啲茄汁又香又甜;
茄汁再加埋我最中意既腸;
真係好正;)

呢間野既位置比較難搵,行左5-10分鐘先搵到.
其實入面好細,所以坐得都幾迫下,不過就算乾淨既.
我叫左個芝士漢堡同埋薯條.
個包入面既漢堡排真係好多汁,唔似得快餐店咁好乾.
佢佢既包係有烘過,所以係有少少脆.好正.
而個薯條絕對底食!如果1個人就咁食薯條都夠飽啦.
佢炸得唔會太油,仲好有薯仔味,茄汁都唔洗落就好好味.
價錢方面唔算貴,我諗我下次會再去食(:

今日約左朋友去左e間野度食飯...兼幫佢餞行~
8點鐘去到...唔洗等位就入得去.....心知不妙...
坐左無耐...就睇下餐牌先...扒餐價錢尚可接受..
所以大家叫了3個扒+2個焗飯類....
分別係

炸軟殼蟹拼雞扒要薯菜
羊扒拼青口要飯
肉眼扒要薯菜
茄汁焗豬扒雞扒飯
蘑菇焗肉醬意粉

侍應a 聽完單就走左...我亦無為意佢係冇問咩汁..牛扒要幾成熟等等...還好有問飲什麼湯....卻沒有提醒有多少杯飲品呢...

等了10多分鐘....朋友的水也喝到沒有了...但沒有侍應留意到...可能燈光太暗吧......好在食物要來了..
先來餐包跟湯... 3個扒餐3個湯3個包好正常...
但得一把刀...包還是凍的...

5分鐘後...湯飲完了...包食完了..侍應卻愛理不理般的走過....直到扒餐要來的時間...還要我們幫手...
主菜陸續送到...唯獨我的那個焗扒飯等了又等..
朋友都吃到一半了....根據我的經驗...他們是漏單了
叫了個像部長的人來...他聽到後...卻沒有什麼回應的就叫個侍仔去get....咁即係咩意思呢...默應...?

好在....廚房做的還不算差...質素ok ~
但還是那個問題...侍應非常懶散呢...
水飲完沒添加...飯吃完沒收...也許是給客人的私人空間?....到叫飲品...5杯飲品...又錯一杯...
再落過都係由熱檸水變凍檸水......真係冇佢收..
看得出完全是沒有區域制度的...每次來的侍仔都不同.
但有一點還一樣的...就是服務態度呢...

由於..我的焗飯來的遲...而且豬扒在飯上又不好切..
只好吃掉一半再切吧.....正當我切好哂....正想食時.
剛好要通通鼻子的鼻水...但那經理就問都唔問咁..
一手拿走了我的碟子...可能因為朋友的都吃完了..
大佬...問句好難咩... 其他咁多碟唔收住..係要收我隻有食物的碟既....真係火都黎埋......但費時破壞當時的氣氛...只好一氣吞下...

到飲品飲完了...帳單也送上了...收錢可謂最快了..
....走的時候...由位子到門口...就連走過知客的身邊
也沒有一句"多謝...或是"88"....


雖然話唔係收我好多錢.....但應有既服務態度比大排檔還要差呢......

呢幾日同FD去元朗...熱熱地...同左個FD入去食野...
我同佢叫左個2柚爽...
一入到去冷氣唔係好大
不過坐多陣同飲埋杯野就好凍...
再叫多個咖哩什錦...正^^
D服務都OK喇
不過好似成日過黎吹你叫野食咁
D野食既份量都OK小= =

呢間係之前甜言蜜語棠棠呀爸做既勝記,不過正確既名係勝香園.我係因為睇左呢套電視劇先去試食既,好似好好味咁.
去到之後係好多人,我都等左1陣先有位坐,咁佢係大排檔,當然就唔太乾淨,不過都仲可以接受既.
我地想叫野食果陣,要叫左果個人4次佢先過黎,可能太多人佢聽唔到掛-0-.
我地叫左蕃茄餐蛋面+檸檬蜜糖脆脆+凍檸樂,個蕃茄餐蛋面酸酸地,好有蕃茄味,仲有好多新鮮蕃茄係入面,都幾好味.果個檸檬蜜糖脆脆就係烘豬仔包上面茶左啲檸檬同蜜糖汁,脆脆地岩哂年輕人既口味,不過1定要熱食,凍左就唔好味架啦.
整體黎講呢度既野食都唔錯.

吉野家既豉油好掂;
我好中意食佢地既飯;
個個飯都中意;
佢地啲羅白都好好味;
不過餐飲就唔係咁好啦;
因為餐飲1係就茶;1係就可樂.
冇咩出新飲味囉;

呢間野好特別!因為係宜家傢私入面.係門口已經聞到食物d味^0^
入到去.環境好優美.d燈.d''登''都好match...!超鍾意呢!
講到食物.都唔錯架!不過令我好驚訝既就係入面竟然有2蚊一杯既雪糕!同埋d雞批好好味!
次次食都唔超過50蚊.希望下次可以帶埋d朋友去啦

生活知味既野食我好中意;
因為有我最中意既烏冬;
我好中意係戈度食"蜜糖腸烏冬".
因為佢地既蜜糖腸真係甜到爆;
湯底又好飲;
啲跟餐野飲都唔錯;!