見到有人讚到呢間天上有地下無, 結果自己親自走去試試

聽講係重開, 野食都係ok o既, 不錯不錯

一路食一路發現, 呢間野d野食都整得幾有心思, 幾靚

值得再去!

但.,好想問, 在我食評下o既一個, 係佢間野自己留o既? 連blog都有?

嘩嘩嘩~~沃川係南洋中心開返播. 地方比以前大左好多播~但水準依然保持到~~抵讚!!
前晚同三個朋友去左食晚飯, o個晚冇咩人老闆就主動同我地傾計~~老闆Eric話開返1星期, 夜晚就靜左d, 加上上左樓要做多d宣傳, 比d時間round順返d~比返好似我地依d咁既熟客知道~生意會好架喇~~老闆你得既~~我都希望你生意興隆~~咁我地先有好野食架嘛!!!
o個晚我地就食左個活鯛魚, 上臺時條魚仲[郁下郁下], 新鮮到爆!!! 跟住老闆就介紹左我地食龍蝦仔壽司, 見住老闆係魚缸到攞起隻龍蝦仔, 出黎時已經整到兩件壽司~~上碟時成隻龍蝦型擺返出黎~~都係[郁下郁下], 一客兩件都只不過係$80, 個頭仲煲埋湯~真係超值!!!  起碼香港地少有依d咁既野食丫, right?! 跟住再黎海膽一板....超甜, 我朋友本來唔食既都即刻愛上!!! 老闆你係得既~~攪到我地把咀刃晒!!! 仲有食左活北寄貝, 牡丹蝦(當然老闆好識做將蝦頭整左壽司比我地啦), 再食左d壽司呀, 燒牛舌呀, 燒雞軟骨, 沃川大蜆同炒飯! 飽晒~~下次我要試下師傅既新菜~~黑醬油拉麵同咖哩烏冬!!! Yeah!!!
臨走時~老闆仲好有禮貌咁多謝我地光臨~~仲有叫我地留意下沃川既網誌: http://yokukawa2008.spaces.live.come


希望各位識食之人~~多多支持沃川啦~~因為我覺得佢地既野真係得~~香港地有班咁又誠意既料理師傅真係買少見少架喇~~ 希望沃川生意蒸蒸日上!!! :)

同事會黎呢度食北海道三色魚生飯
係蟹膏, 帶子and 海膽
$88

佢地話超正, 可惜我唔食海膽, 未試過

本來已結業既沃川開返o係隔離個商場呀
以為無得再食沃川魚生飯, 勁唔開心

好彩又開返
今日去食沃川魚生飯, 三文魚親子飯, 美味依然
魚生好新鮮

仲叫左燒雞較骨, 燒雞軟骨腸,  都好正
兩個人180蚊