呢間野d糖水好正,但價錢唔會好貴抵食過係許留山,個度d人服務態度唔錯環境方面還可以的,佢地其中一款甜品 - summer 味道好好,豆腐花都唔錯,值得一去.

呢間野成日都好多人去食,仲要排隊等位,但我自己就覺得D野味道都係一般。
環境都算唔錯,掛住好多BB畫,仲可以望到廚房個廚師拉緊麵粉。
果次我地就嗌左灌湯小籠包,上海炒年糕同炸醬麵,其實我就覺得味道無咁好,最滿意就係個小籠包。不過D餐具幾令,我覺得幾吸引!

呢間野D野食幾好味....
我食左個豬軟骨拉麵
我覺得D麵有D味千拉麵feel...

D服務態度都ok...
D燈光黑黑地...
好有feel

不過D野食黎得都幾慢- -
等好耐先有得食- -

山葵D野有平有貴啦,不過我去食果次就勁平喇。
果陣同個FD搵緊地方食lunch,咁岩見到間野幾得意咁,就走左入去喇。
其實成間野既裝修同格調真係好日本feel,都幾多人係度食野架,逼爆成間山葵咁滯。
同埋D侍應都好好人架。
我地果日就食左個炸餃子拉麵<----差唔多咁既名
加埋杯菠蘿冰都只係22蚊,應該係學生餐既關係,超抵食,味道仲要唔錯,仲送埋前菜壽司2件。
碗拉麵D湯底顏色好似牛奶,好得意,真係好似正宗日本果D咁,唔知個廚師係咪由日本黎既呢。
總之山葵就SO GOOD啦!!得閒有機會都會再去山葵食野。

我幾喜歡呢間餐廳,
野食既價格適中,
店內設計好有特色,
服務態度都幾好,
而我最鍾意食既係石頭飯,
沙嗲王既石頭飯好大碗,
D料好足,而且又非常好食,
上菜既速度都好快,
絕對值得一試.

我覺得每一間許留山D位太少....
成日都要等...
呢點唔係幾好- -

D野食幾好味.....
特別係多芒小丸子....
D小丸子好似用麵粉做咁....
好好味....
其他D野食平均都幾好味....

環境都幾衛生....
D野食超快黎到~
唔洗等好耐!

沙嗲王係以海盜船為題.

有d雙人位就係海盜船入面^^

亦都有d海盜ge擺設啊.唔知咩像啊.-0-'

感覺幾得意.

服務態度都唔錯.好快有位.[好多位]

一想點菜/加水/服務/結賬就可以禁鐘.

waiter好快黎到.好方便.

而我今次點佐5個菜.

1.豉椒炒蜆 2.避風塘豆腐 3.雞串 4.肉骨串 5.蟹鉗

首先講下豉椒炒蜆.

我覺得哩間都幾細心.

因為有多個碗俾客人裝住d殼.

有間沙嗲王係冇咁做啦.

蜆都幾滑幾乾淨.唔錯.

青椒都幾好食^^

另外避風塘豆腐都幾得意.

好似係煎.其實唔太記得[都係幾個鐘前食之嘛-.-]

外面好脆.但一野禁落去[我指用匙-.-]就爆佐d雪白ge豆腐出黎,

真係好滑好有豆腐味xd

不過都熱氣啦.

而雞串都幾好食.有埋醬.點下都ok.

不過肉骨串就麻麻地.d豬肉太過肥膩喇.

最後ge蟹鉗.外面係好脆.入面就蟹肉啦.都好good.

仲有值得1講係份量.

我覺得白飯份量岩岩好啦.唔會話1碗食唔哂或者唔夠.

同埋水都係.需要時再禁鐘都ok.唔會話好浪費^^

-
照片.


有好多海盜._.

響禁煙下面禁鐘-.-

次次都係食佐之後先影下-.-

雞串.應該係$23 3串

肉骨串.

影得唔好.避風塘豆腐.

豉椒炒蜆.

海盜船^^

呢間野雖然少人食,
但勝在D野食好好味,
服務生態度唔錯,
地方都好乾淨,又好闊落,坐得好舒服,
而我最鍾意食茶軒既竹筒飯同埋飲青蘋果綠茶,
竹筒飯整得好好,D飯軟硬岩岩好,
D料好好味,而茶軒既青蘋果綠茶甜味岩岩好,
好好飲,而茶軒D野食既價格都適中,
我推薦大家去茶軒食野.

我平日都唔多去味千食野，不過味千D野真係OK架。
我唯一一次食味千食野，食左個咖喱炸蝦飯，D醬汁同D炸蝦好正。
果次食左50幾蚊包埋野飲，價錢就好似貴左少少喇。
但整體黎講都係滿意既。

我覺得這間元氣壽司店係我食過最好的一間,
不論味道,環境,服務等等..
我尤其覺得這間店的服務生態度幾好,
做事快手快腳,又有禮貌,
令我次次去食野都好開心,
而價錢方面我亦覺得好合理,
因為元氣既壽司好新鮮,
我比較喜歡既係北寄貝壽司,
北寄貝很新鮮,而且好大塊,
好抵食!令人"食過番尋味"!