呢間野唔會再去,食物方面已經覺得dirty,入到去鋪頭一陣怪味,個四眼亞姐好串架,叫極佢話轉頭,但眼見佢又唔係忙緊其他野.....未食已經一肚火,叫左個腸粉,嘩嘩嘩,凍冰冰lor....之後都拿拿林走人........

我要推介的食物係
1)水蟹粥,因為哩個粥的蟹好鮮甜! 
2)雖然我係一個吾鍾意飲咖啡的人,,,但我覺得咖啡骨的味道好香濃,,,令我對咖啡有所改觀!
3)翠玉瓜魚肚湯,,,佢既特別之處是用豆漿做湯底，個魚肚好爽，是伙計既推介！


＊大家路過既時候，不妨試試

同朋友行行下街有d累,就想搵地方坐坐,佢話呢頭有好多野食,咪走黎睇下lor......見到近近地有間茶記又唔想再行,咪是但地入去o抖下.......一入到去見到d伙計,總覺得好似係龍蛇混雜既地方,其實想調頭走,不過入到黎又唔好意思,勉強叫了個公仔面餐,食物方便係ok既,不過係欠個環境,我諗下次寧願行遠少少都唔想再黎

室內設計佈滿香港風貌，而且還安裝了吊扇，整齊清潔，可以給遊客一個不錯的印象。

昨晚因為Tim記遲收工，所以落咗登龍街打機，順便在這裡開餐，一坐底唔使多講，整返支大啤先啦， [辣酒煮縲] 真係幾好味，而其他菜餚也不過不失，潮州嘢都唔會差得去邊，不過貨源不足，想食基圍蝦無基圍蝦，點咗瀨尿蝦無瀨尿蝦。

早幾日發覺呢個站可以加入相片簡介，帶來不少方便，就算食完有乜衫長褲短都有記錄。

今晚同太太提早慶祝生日
book左坐壽司吧
食''廚師發板''
即係成晚坐o係度, 唔使點菜
師傅將每樣野放o係你面前

首先黎左三樣刺生....吞拿魚腩, 池魚, 赤貝各三片.....超新鮮
池魚超有口感, 好爽
吞拿魚腩入口熔化, 好香, 好好味
赤貝普通啦...都爽口

跟住係池魚刺生碎上, 加埋豉油幾特別, 好味
再黎係一隻超大既牡丹蝦......未試過咁鮮味, 又大隻
蝦頭攞左去炸, 好多膏
仲有再黎左口魚四片, 侍應叫教我地點酸汁食, 幾新鮮, 但無乜味的
再黎紅色不知名既魚生四片, 有d 似吞拿魚....點薑蔥豉油, 唔係太特別
最後黎左海膽+吞拿魚蓉+飛魚籽+生蔥, 侍應教我地加一點點豉油, 撈埋一齊包紫菜食
一向唔食海膽既我, 都覺得超正, 好鮮甜, 幾樣加埋, 味道好夾, 好想食多d

壽司有三款, 吞拿魚腩, 海膽, 甜蝦各一件. 
海膽真係好甜, 好鮮
吞拿魚腩入口即熔, 掂
蝦就ok啦

每人有一隻燒帶子, 要自己用紫菜包住食. 好大隻
再黎一個汁煮魚鮫, 我唔食魚的, so無咩評價
海鮮湯, 有東星班, 有蝦, 有金菇, 有粉絲, 好鮮甜

雪糕有綠茶and柚子味, 正

$650 一位, 價錢係貴, 但值的
可以唔使自己諗, 又可以試平時唔會食既野

今日lunch去尖東搵太太食飯
佢帶左我黎呢度

xo醬蒸排骨
三杯雞
一碟通菜

好好味
d湯都好熱辣辣
仲有糖水送添

$35一個餐
$10一碟通菜

尋晚我同gigi去油麻地地鐵站附近食拉麵“好之味”！個間野好衰呀！一開始見到有個“特價牌”寫明三文魚刺身＄１０﹣，甘我咪叫一客，點知Ｄ三文魚未溶雪，甘都算，到我地埋單時，又計原價＄１５﹣，當我地同店員講，你個牌明明係寫三文魚刺身＄１０﹣，但我地一望個牌刪左＄１０，之後總話我地唔睇餐牌！
最後佢就講“甘比返＄１０你地囉！無道歉！唔覺得自己寫錯牌！

前幾晚諗住去扒王食宵夜
但有好多差人抄牌, 無位泊
唯有去隔離盈記買外賣食啦
點知一叫左外賣d差人就走
我地就變返堂食

叫左瑞士雞翼撈面, 蕃薯糖水
瑞士雞翼講明要等8分鐘
食落又幾好味, 好入味
唔錯, 但都要成27蚊, 成個飯既價錢
都幾貴呀

睇完呢度食評, 黎左食飯
可能3:00pm太晏了, 好多野都賣哂
好姐就問我食唔食蕃茄, 佢話即時炒過蕃茄豬頸肉俾我
我緊話好啦

一出黎, 熱辣辣, 好好味
d蛋炒得都幾好味
影左相俾你地睇ga
果然係好正既住家飯wor

$30 有即炒小菜食, 仲有湯飲
抵哂啦