我要左蕃茄忌廉汁煙三文魚螺絲粉套餐, 男友就要肉眼扒餐 餐湯和麵包都很一般, 街邊貨色 我要的螺絲粉算是不錯, 煙三文魚份量ok而且幾好味 肉眼扒就唔太好了, 明顯落得太多鬆肉粉, 個汁都唔好味 餐飲我點了咖啡, 味道香濃, 算是中上水準

今晚本來想不到去那裡用餐哦，剛好回家前途經銅鑼灣，看到這個門面不錯的「御家」，好在輪候的人不多，等了5-10分鐘左右，入坐囉！環境和格調跟西環店相比真是差一大距離(銅鑼灣店感覺好好多)，服務員也十分有禮。

有看過我的食評既朋友，都會知道我去食日本料理必會點 Sake，嘻嘻！
刺身方面絕對新鮮，值得加分。點咗好多款多到我都唔記得，有壽司、軍艦、火炙、刺身、揚物、串燒、丼，不過好在有相機影底哂。

壽司係人手即點即做，師傅仔包壽司既手法好Pro，火炙三文魚更是即時用Gas槍燒出來的， 物有所值，兩個人食張單都只係$254，最後都不忘叫經理加印張收據給我。
----------------------------------------------
串燒冬菇
串燒雞軟骨
菊正宗凍清酒
三文魚刺身 ($35 有 5切架，抵食)
蟹籽沙律
御．刺身丼 (細份咗少少)
炸軟殼蟹
蟹子軍艦
火炙三文魚壽司
三文魚壽司

沙蟲質感有少許煙靱，但頗鮮甜，配合汁凍再醮上麻豉油而食，不錯-----馬鮫蠔仔麵線就水準一般。味太淡，蠔仔亦不夠肥美-----五香雞卷，皮炸得頗脆口，餡料有好多-----

上個星期一個人on狗狗咁係條街到等女朋友, 行經深水埗譚記, 見到咁多人排隊, 又聽過d朋友講過依間野好正, 膽粗粗就入去試下佢有幾巴閉! 叫左個腩肉墨丸酸辣米線中辣! 腩肉係用蒜泥白肉o個隻白烚肉, 個人頓時失望, 我一直以為會係卥水o個隻架嘛! 酸辣湯個湯底係奶白色又幾得意, 不過個味道冇乜特別. 總括黎講係OK, 不過又唔係好似d人咁講到．．．嘩好好味要排隊囉! 
拿拿拿~~香港人既羊群心理真係．．唔得呀~~(當然我都係啦, 要不我就唔會入去啦, 哈哈)!
 

成日係我女朋友口中聽到[潤牛麵][潤牛麵], 唔知以為佢開架囉! 哈哈!!! 上星期佢就帶我去左試試, 去之前我凶我女朋友, 如果唔好食既就鬧爆佢, 佢居然好安然咁答我OK! 好!!!就去試下!! 哼! 
當然我叫左個[潤牛麵]食啦~~ 個湯底真係幾OK播, 豬潤岩岩熟~~牛肉就麻麻地, 冇乜肉味! 個奶茶幾好飲播, 幾有懷舊Feel, 我再叫左個奶油多...Eeeee....真係幾好味!!! 怪不得佢係隔離開多兩間分店啦!!! 值得一試, 我會鍾意d多士多d.

<鴻興>其實係富寧花園已經好出名架喇-原因除左得佢一間之外, 佢d野食又真係幾好味既!
晨早嘆佢既早餐堅真一流, 我同d朋友去親都冇一個朋友話唔好味! 佢早餐既雪菜真係要一讚, 真係好鬼入味又好鬼好味, 我平時叫開雪菜司華腸米線加腩汁,食得辣既朋友你真係要試下佢既辣椒油, 痴線咁辣, 次次食到個咀腫晒先出黎! 我食得辣都只會落三幾滴, 所以各位要小心小心考慮先好落佢既辣椒油呀!
本來我之前食開佢既雪菜雞奕米線加腩汁, 但佢依家入既雞奕成日都好似第三世界黎咁...細到不得了, 所以改食佢既司華腸! 最近又試左佢個豬扒....原來都好正架播, 不太乾有肉汁!!!
而下午推介當然係佢既牛腩啦, 真係夠晒味!!! 正!!!
d食物好, 不過衛生同服務就唔得喇, 十幾廿蚊碗野又確實唔會expect咁多既!  

隨便地點了時菜排骨飯,汁像水一樣,排骨雖然林但肉質不太好,室內空氣不流通,坐多陣都覺得好辛苦.......仲要上得d野好慢

去到官塘..我無被apm依棟大型building所吸引,反而去到裕民薈逛逛..

行下行下,見到成行成列都係茶餐廳,結果去左依間醫肚..

去到同班友人點左d小菜...有咖哩雞...西檸雞...魚香茄子煲等等...30幾蚊有飯有湯,,平過抵過「大家落」果d啦...

講到食物,睇到一個個煲出哂煙咁....認真過癮...食落口...新鮮既食材令我地成班化骨龍都有意猶未盡既感覺...

於是叫埋特飲飲下...我叫左個「檸檬咖啡」,幾特別,小小酸又有咖啡味...

講到環境,雖然冷氣凍左d,但大熱天時,都無咩所謂啦!!

溫馨提示:大家要去食,就在晚市早小小啦,因為果晚幾乎爆棚咁滿!!!!

朋友揸車入黎e度食, 哇, 驚喜呀. 首先呢, e 度係坐街邊既, 唔好expect 有咩裝修 d 糖水全部都係最傳統個d, 我最鍾意西米露. 好平架ja, 食多幾款. 正

有很多特色小食, 值得一試。 有幾款湯底選擇,清湯米線的湯唔知係咩黎,不過冇咩味精囉. 粗枝大葉的賣相睇起黎唔錯,,,下次來會試下..