這間在粉嶺嘉福邨的漁米之鄉經常有計錯數的記錄，但勢估不到連個收銀都不是好人。 話說本人於2009年10月5 日早上，同屋企人係這間漁米之鄉飲早茶，因時間關係，自己拿住張單去收銀處埋單，埋單係HK78。本人將一張HK500紙直接交俾收銀員。這名身材有點肥胖的收銀員接過HK500紙後，即時找回了HK$22給我，但她的雙手仍似在處理收銀中，當時我仲等佢找回HK$400給我，點知佢伸手出來，她不是找錢給我，而是伸手出來向企係我隔離的一位師奶示意到佢埋單。當時我即刻問肥收銀員：『我俾HK500你架喎，你仲未找返HK$400俾我喎。』，呢個肥收銀員相當理直氣壯地說：『吓! 唔係呀，你俾HK500我? 』佢隻手即時係柜桶拿起一叠HK100紙給我看，說：『你睇吓!邊度有HK500啫。』我當時好激氣，我全身得個HK700，俾左HK500佢，佢話無收過，分明呃錢啦! 而度係香港，唔係大陸。況且唔見錢咁大件事，梗係要報警啦! 我即時同個肥收銀員說：『咁你熄收銀機啦，埋數咪知囉。』個肥收銀員即時回答說：『埋唔到數喎!! 』，哈! 咩嘢叫做埋唔到數呀?而家只係朝早9:30，你做左幾多錢生意呀，埋唔到數?? 當我想說出『報警啦』這3個字的時候，企係我隔離的那個師奶說：『係呀，我都見到佢攞住張HK500出來架。』。個肥收銀員見勢色唔對，即時係柜桶拿出4張HK100紙給我，之後完全沒有說任何說話。 如果你係肥收銀員，堅持自己無收錯錢的話，你會唔會咁好死嘔返HK400出來呀。分明俾人踢爆，俾錢了事。 其實這間漁米之鄉好有問題，我地係收銀處發生了事，完全沒有經理或高級職員過來了解事件。莫非他們都是一黨。這間漁米之鄉絕對唔會再去，唔好食係事少，俾人呃錢唔抵呀!!大家如果要去食，真係要Check 單，同埋要講明自己俾左幾多錢侍應埋單囉!!